.png)
To: Pieter Engelbrecht elego molaodi wa Shoprite, gammogo le Mopresidente Cyril Ramaphosa
Shoprite, theoša ditheko tša lena tša dijo
Shoprite ke lebenkele le legolo la go rekiša dijo mo Afrika borwa, ebile ke lebenkele leo le nalego bašomi ka bontši.
Ka ngwaga wa boikgolelo wa 2024, Shoprite e dirile poelo ya ditšhelete yeo e lekanago le R130.8 billione, mme molaodi wa gona a gola tšhelete ye e lekanago R83 million, mme ya ba molaodi yo a dirilego tšhelete go feta balaodi ba dikgwebo kamoka mo Afrika Borwa. Se se diragala nakong ya gore batho ba lekanago 20 million mo Afrika Borwa ga ba kgone go reka dijo ka ge ba se na tšhelete.
A naa se e kaba lebakeng la gore re lefišwa ka mo go feteletšego ge reka dijo kua mabenkeleng a Shoprite?
Afrika Borwa e nale palo ya dijo yeo e ka lekanago batho bohle, efele ditheko tša godimo ka go fetelela tša dijo di palediša setšhaba go reka dijo ka botlalo.
Shoprite gammogo le di kgwebo tše dingwe tša mabankele a dijo di swanetše di beye pepeneneng gore ditheko go dijong di beiwa bjang. Ka phantemiki ya COVID-19, dikgwebo tše dintši tša mabenkele a dijo di ile tša nameletša ditheko ka moo go feteletšego, ebile Pic n Pay e ile ya dumela seo ka taba ya ditheko tša bona tša godimo tša konofolo (garlic) le gemere (ginger).
Re nyaka go re Shoprite gammogo le dikgwebo tše dikgolo tša mabenkele a dijo di fe tshedimošo ka botlalo ya mokgwa woo ba o šomišago go beya ditheko go supply chain, le gore batšweletši ba dijo ba patelwa bjang. Se se ka dumelela gore balaodi ba melao ya dijo ba kgone go bea leihlo go ditheko tša dijo ka mo go atlegilego kudu. Bjalo ka kgwebo ye kgolo ya dijo mo Afrika Borwa, Shoprite e ka etelela pele ka mohlala.
Re dira boipiletšo go Pieter Engelbrecht elego molaodi was Shoprite, gammogo le Mopresidente Cyril Ramaphosa gore ba phethagatše tše di latelago:
1. Theoša ditheko tša dijo tše lesome tše di latelago: Mae, reisi, maswi, thobela (soya), tlhapi ya thini, dinawa, botoro ya matokomane (peanut butter), bupi bja lehea bjo bo tiišitšwego, mafi (amasi), le di lenti (lentils). Dijo tša go ba le phepo ya motheo ke tokelo ya mola-thuto ya bana mo Afrika Borwa. Dijo tša go ba le phepo ya motheo di nale proteine le enetši, efela seo ga se ra gore ye mengwe mehuta ya dijo ga e bohlokwa. Dijo tša go ba le phepo ya motheo di ka rekwa ka theko ya fase, kudu kudu malapeng ao a diilago.
2. Mopresitente Ramaphosa o swantše a phetagatše molao wa tshenyo le go lahlwa ga dijo gore dikgwebo tja dijo di swarwe ka maikarabelo.
3. Re ipiletša go mmušo gore o ikopanye le setšhaba mabapi le molao wa National Food Security and Nutrition Plan gore setšhaba se kgone go ntšha sa mafahleng.
Why is this important?
Mengwangeng ye e fetilgo, mekgatlo e mentši e ile ya ikopaganya go bea kgateletšo tabeng ya go oketšwa ga thušo ya tšhelete ya batho (social grants). Efela, tšhelete yeo e okeditšwego go di social grant e sale ye nnyane kudu ka gore ditshenyagalelo tša bophelo (cost of living) di godimo go fetiša. Grant ya R370 ga ya lekana go ka tšeya maeto a poledišano ya mešomo (job interviews), go thoma kgwebo, goba go lefelela dijo tšeo di ka fetšago kgwedi. Grant ya bana e ka tlase ga Food Poverty Line.
Re bile le mo go lekanego ka taba ya gore dikgwebo tše kgolo tša dijo tša go swana le Shoprite di tšwele pele go ikgakantšha mabapi le taba ya gore ditheko tša bona tša dijo di godimo moo e le go gore setšhaba ga se kgone go ka lefelela.
Ye ke kgato fela ya mathomo go rarabolola bothata bja tlala mo nageng ya rena. Go nale mo gontši kudu mo go sa swanetšego go dirwa. Bala ka botlalo ka taba moralong wa khomputara (website) ya Union Against hunger mo: https://unionagainsthunger.org/
Dula o lebeletše letlakala la rena la ditiragalo tša rena tšeo di lego kgaufi le wena mo: https://awethu.amandla.mobi/petitions/shoprite-bring-your-food-prices-down/events